MOB Papua: Otis Punya mainan

Anak-Anak Berpose didepan Layang-layang motif Kejora

Anak kecil satu, dia punya nama, Otis. Suata kali dia bikin layang-layang besar. Layang-layang itu kasi warna dengan corak bintang kejora. Trus dia tulis OPM besar-besar di layang-layang tu.

Suatu kali dia kasi naik tinggi-tinggi. Angin besar ko datang. Dia kasi putus, tali layang-layang itu. Maklum otis  hanya pake benang jahit tipis. Layang-layang malengang.

Otis  ko tra mau rugi. Walaupun layang-layang ko terbang jau, Otis dia kejar. Tau-tau begini, layang-layang ko jatuh di kompleks kodim. Otis ko malas tau, kejar masuk ke dalam komplek tentara tu.

"We, ko cari apa tu?"  tentara satu teriak gertak Otis.

Otis dia kaget. Tapi dia pasang muka berani saja.

"Ah, trada kaka. Sa cari sa pu layang-layang yang jatuh ke sini." Otis dia jawab.

"Oh, jadi layang-layang tadi tu ko punya k?" Tentara tu balas. 

"Iyo kaka. Ko liat k?" Otis  ko balas.

"Jadi ko ni OPM ne. Kimai se... " tentara ko marah.

 "Ah, tidak kaka."
"Baru kenapa ko kasi warna bintang kejora di layang-layang. Ko tulis OPM lagi?"

Otis ko senyum-senyum saja. Baru bilang. " Kaka ko dengar dulu. Sa tulis OPM di situ maksudnya, Otis pu mainan?"

ha,ha,ha,,,,,,,,,,,,, tidak lucu..........