MOB- Pilemon Curi di Rumah Barnabas

Pilemen Mencuri di Barnabas Punya Rumah

Tertawa Terbahak-bahak

Suatu ketika, Pilemon pi mencuri malam-malam. Dia dari dulu ingin mencuri di Paitua Barnabas punya rumah. Begitu tiba di Pace Barnabas punya rumah, Pilemon kaget. Barnabas su buat pagar tinggi keliling rumahhhhh

"Cukimai! Ko kira sa tra bisa mencuri kah? Tembok bokar ni sa bisa panjat.”

Pilemon ko panjat tembok. Tra lama begini, Paitua Barnabas keluar rumah. Dia  liat ada orang yang mau mencuri.

"Weiii…… Ko bikin apa tu? Ko cepat turunnn….!"

Plemen  kaget dan hampir jatuh. Tapi, untung Pilemon di tahan ujung tembok. Tra takut su ketahuan, Pilemon malah balik marah tuan rumah.

 "Anjing, ko tegur baik-baik k?” Pilemon emosi pica.

“Sa memang pencuri, tapi kalo  sa kaget, truss sa jatuh.... siapa yang bayar ongkos rumah sakit? Sa pu anak siapa yang kasih makan..?”

 “Saya ne belum mencuri. Sa baru lewat ko pagar, baru ko su teriak bokar lagi...!"

"????!11/1/1/!" Paitua Barnabas hanya heran, “Orang ini pasti su gila.”

he,he,he...

Begitu Sudah
Berbagi Itu Selalua Indah